Birki

Birki (Betula pubescens) er talið mjög vatnslosandi og er gjarnan notað við nýrnasjúkdómum. Það er vel þekkt gegn gigtarsjúkdómum, sérstaklega liða-, sóríasis- og þvagsýrugigt. Birki er talið blóðhreinsandi og mikið notað við húðsjúkdómum svo sem exemi og sóríasis ásamt því að vera græðandi útvortis fyrir sár og húðútbrot. Ferskt lífrænt birki er í tinktúrunum fíflablöð & birki og rauðsmári & gulmaðra og sáramyrsli.

Brenninetla

Brenninetla (Urtica dioica) er vel þekkt sem vatnslosandi lækningajurt og góð gegn gigtarsjúkdómum. Hún er einnig talin hafa jákvæð áhrif á húðsjúkdóma, blóðleysi, ofnæmi, astma, ásamt því að auka brjóstamjólk. Brenninetla er talin góð gegn miklum tíðablæðingum. Bandarískar, þýskar og japanskar rannsóknir sýna fram á að brenninetlurót þykir einnig hafa virkni gegn góðkynja stækkun blöðruhálskirtils. Fersk lífræn brenninetlublöð eru í tinktúrunum maríustakkur & melissa og rauðsmári & gulmaðra. Lífræn brenninetlurót er í tinktúrunni hvönn & klóelfting.

Chillipipar

Chillipipar (Capsicum minimum) er vel þekktur sem vörn gegn sýkingum. Hann hefur verið notaður við kvefi, hálsbólgu og sýkingum í meltingarvegi. Chillipipar er einnig talinn örva blóðrás og virkar því vel við hand- og fótkulda. Hann er einnig notaður til að draga úr vindgangi og magakrampa.Útvortis er Chillipipar notaður til að örva blóðflæði og er mikið notaður í gigtaráburði. Lífrænn chillipipar er í tinktúrunni sólhattur & hvönn.

Engifer

Engiferrót (Zingiber officinalis) þykir ákaflega góð við hálsbólgu, kvefi, flensu, bronkítis og astma. Rótin hefur örvandi áhrif á blóðrás og er talin góð við hand- og fótkulda. Engiferrót er einnig talin draga úr ógleði til dæmis vegna bílveiki. Lífræn engiferrót er í tinktúrunni sólhattur & hvönn.

Fjallagrös

Fjallagrös (Cetraria islandica) hafa lengi þótt hin besta næring enda auðug af steinefnum og trefjum. Þau eru talin hafa góð áhrif á öndunarfærasjúkdóma svo sem kvef og astma. Fjallagrösin eru líka álitin örva meltingu og draga út bólgum í meltingarfærum. Útvortis eru fjallagrösin bæði mýkjandi og græðandi. Lífræn fjallagrös eru í tinktúrunni fíflarót og fjallagrös.

Haugarfi

Haugarfi (Stellaria media) er ákaflega græðandi og mýkjandi útvortis fyrir sár, sprungur og útbrot. Hann er mikið notaður í græðandi smyrsl gegn hvers kyns húðútbrotum og sárum, enda kælandi og kláðastillandi. Ferskur lífrænn haugarfi er í sárasmyrsli, barnasmyrsli og mæðrasmyrsli.

Lakkrísrót

Lakkrísrót (Glycyrrhiza glabra) hefur öldum saman verið notuð gegn öndunarfærasjúkdómum svo sem hósta og astma. Rótin þykir bólgueyðandi fyrir maga og ristil og er einnig vel þekkt fyrir hægðalosandi áhrif. Lífræn lakkrísrót er i tinktúrunni fjallagrös & fíflarót.

Kamilla og baldursbrá 

Kamilla (Matricaria recutita) hefur öldum saman verið notuð í grasalækningum. Íslenska baldursbráin (Martricaria maritima) er talin hafa sambærilega virkni og kamilla. Kamilla er talin róandi og er því notuð gegn stressi, kvíða og svefnleysi. Hún er mikið notuð við magakveisum og óróleika hjá börnum. Bolli af kamillutei eftir máltíð hjálpar til við meltinguna. Kamilla er einnig talin góð gegn kvefi. Löng hefð er fyrir því að nota kamillu í krem og smyrsl fyrir allar húðgerðir. Fersk lífræn baldursbrá er í maríustakkur & melissa og fjallagrös & fíflarót. Lífræn kamilla er í öllum hvítum kremum, barnasmyrsli og mæðrasmyrsli.

Klóelfting

Króklappa 

Króklappa (Arctium lappa) er talin hafa bakteríu- og vírusdrepandi áhrif ásamt því að vera vatnslosandi. Hún er þó einna þekktust fyrir jákvæð áhrif á húðsjúkdóma svo sem exem, sóríasis og bólur. Lífræn króklappa er í tinktúrunni rauðsmári & gulmaðra.

Mjaðjurt

Mjaðjurt (Filipendula ulmaria) hefur græðandi áhrif á magaslímhúð, magabólgur og magasár og kemur jafnvægi á magasýrur. Hún er mikið notuð til að meðhöndla allar tegundir af gigt og þykir vatnslosandi. Mjaðjurt er einnig notuð gegn kvefi, flensu og hita. Útvortis er mjaðjurt mjög góð til að græða sár og útbrot. Fersk lífræn mjaðjurt er í tinktúrunni fíflablöð & birki og sárasmyrsli og mæðrasmyrsli.

Morgunfrú 

Morgunfrú (Calendula officinalis) er álitin bakteríu-, vírus- og sveppadrepandi. Hún er þó fyrst og fremst þekkt fyrir góð áhrif á húð. Morgunfrú hefur bólgueyðandi áhrif útvortis og er mikið notuð í sárasmyrsl og hvers konar húðkrem. Hún er hefðbundið notuð í húðvörur fyrir börn og þykir einstaklega góð á bleiuútbrot. Lífræn morgunfrú er í öllum hvítum kremum, barnasmyrsli og mæðrasmyrsli.

Sólhattur

Sólhattur (Echinacea angustifolia) er ein þekktasta lækningajurtin sem talin er styrkja ónæmiskerfið. Hún er mjög mikið notuð gegn kvefi og flensu, bæði fyrirbyggjandi og þegar einkenni eru til staðar. Sólhattur er einnig notaður gegn ýmiss konar bakteríu- og vírussýkingum. Lífrænn sólhattur er í tinktúrunni sólhattur & hvönn.

Túnfífill

Túnfífill (Taraxicum officinalis) á sér ævagamla sögu sem lækningajurt en fíflablöð eru talin afar vatnslosandi og með hátt kalíumhlutfall. Fíflarótin er hinsvegar hreinsandi fyrir meltinguna og er gjarnan notuð við hægðatregðu. Rótin þykir einnig gagnleg við húðsjúkdómum. Fersk lífræn fíflablöð eru í tinktúrunni fíflablöð & birki. Lífræn fíflarót er í tinktúrunum fjallagrös & fíflarót og rauðsmári & gulmaðra.

Vallhumall

Vallhumall (Achillea millefolium) er ákaflega fjölhæf lækningajurt sem á sér margra alda sögu í grasalækningum. Hann er talinn vatnslosandi og mikið notaður gegn gigtarsjúkdómum. Vallhumall er afar góður gegn kvefi, hálsbólgu, flensu og hita. Hann er einnig notaður gegn tíðaverkjum og til að koma reglu á blæðingar. Vallhumall er talinn geta lækkað blóðþrýsting og hafa góð áhrif á bláæðakerfið. Einnig er Vallhumall mikið notaður útvortis til að græða sár og húðútbrot. Ferskur lífrænn vallhumall í tinktúrunum sólhattur & hvönn og maríustakkur & melissa. Lífrænn vallhumall er í öllum hvítum kremum og í sárasmyrsli.